Transcription
1
Reçue à La Voulte-sur-Rhône, le 18 octobre 1572
2
Monseigneur, trevant à propos le present pourteur qui s’en
3
va à Grenoble, n’ey vouleu faillir vous escrire la presente pour
4
vous tenir adverty des affaires de ce païs. Ces jours
5
passés, entendant tant de bruictz qu’on faisoit courir de
6
monsieur de Sainte-Marie, m’en suys allé à l’improviste jusques
7
à sa mayson, où l’ey trové tout seul avecques ces bovyers et
8
ung seul serviteur qui sert à luy et à ces chevaux, et luy tout
9
malade, et ung prebstre fort homme de bien et bien catholicque,
10
qui estoyt tousjours près de luy. Je n’ey failly à luy dire les
11
bruitz que l’on faysoit courir de luy, et que vous en estiés
12
assés adverty et messieurs de la court, et ly ey remonstré
13
ce que s’en pouvoyt ensuivre, tenant le chemin contre Dieu
14
et contre son roy ; et avoyr tout parlé et dict, il m’a
15
prié vous presenter ces humbles recommandations et qu’il fera
16
service au roy et à vous quand vous playra luy faire tant
17
d’honneur que de luy commander et m’a asseuré qu’il ne tiendra
18
aucuns souldatz à sa mayson de la novelle relligion, ny
19
aultres, et qu’il veult demeurer toutallement en l’obeissance de
20
sa majesté ; et comme il se sentira pour se pouvoyr tenir
21
à cheval, m’a promis me venir trouver icy et se catholizer,
22
et m’a prié de vous en asseurer et messieurs de la court.
23
Quant au seigneur de Montbrun, il est encores à sa mayson,
24
accompagné de quelques ungs. Il y y a passé grand nombre de
25
gens de pied et quelque nombre de cheval, et vont de nuict.
26
L’on ne scait qu’ilz deviennent. Je crois qu’ilz vont à Nimes.
27
Lundy dernier se fit quelque desordre à Cisteron soubz
28
pretexte d’une faulse allarme, tuarent troys de la
29
religion novelle, je vous en mande la lettre que le cappitaine
30
Troissantz m’en escript ; que sera pour fin, vous presentant
31
[v°] mes très humbles, priant Notre Seigneur,
32
Monseigneur, vous donner en bonne prosperité longue et heureuse
33
vie. De votre mayson d’Orpierre, ce XI octobre 1572,
34
vostre bien humble à vous faire service
35
Villefranche